Juwaalo

Juwaalo!

Maa ngi fàtteliku.

Maa ngi fàtteliku siñaar ya ca keru mbaar yu naat ya

Maa ngi fàtteliku siñaar yeek seeni gët, kéemtaanee lool

Di sàmandaay leeraayu weer cig tefes

Maa ngi fàtteliku jànt yu so yu taaroo-taaru

Kumba Ndofeen naan da cay dog manto buuram.

Maa ngi fàtteliku bernde dëj yuy gilli deretu gétt

Cóow li, tàggate géwel yi

Maa ngi fàtteliku peccum njegemaar yi

Bàkk yi, Ax! dukkëtu xale-yu góor, yuxóol seen gënnu yaram

Ak njaayxóóle jiggéen ñi – Kor Siga!

Maa ngi fàtteliku, di fàtteliku…

Sama bopp biy riir…

Ndaw doxantu bu gééy ci bési Tuggal yi

Yenn saa yi ab jaas bu jirim jolli, di yikkët, yikkët, yikkët….

    Lewopóol Sedaar Seŋoor

Tekkikat bi: Dr. Tamsir Anne