|
|
|
Atum 2009 bii ñu
dugg nag kiriis bu meti moo laxasu àddina sépp,
rawatina
nag réew yi gëna
néew doole. Kiriis boobu ñu
tudde kiriisu kopar yi, li ko indi mooy bànkë
yu bare, dañoo
topp seen bëggub
xaalis ba faf seetatuñu
lu jaadu ak lu jaaduwul, ku ñu
wara lebal ak ku ñu
warta lebal, ndax ñoom ñooñu
seen bopp di leble dencc nañu
xaalis buy garaanti seeni bor am déed.
Mo tax ba màrse dëkkuwaay
ya ca Amerik tarxiise, la bànkë
yu bare
tàbbi ci jafe-jafe yu rey! Li tax kiriis bi gëna
meti te jafe
nag mooy ne téy koom-koomi réew yi ëpp
doole ci
àddina si, ci leble bànkë
yi la sukkandiku. Kon su
bànkë
yi seen bopp ame jafe-jafe, ñépp
am jafe. Ku yebboo sax ne su bànkë
yi tisóoli, yenneen bànxaasi koom-koom
yépp ay sëxët!
Loolu la nguuri réew yi am doole yi xam, ba tax ñoom ñépp
nu dawsi di walu bànkë
yi! Du caage ne sax ci xol bu sédd lañu
koy defe, wante su nu leen waluwul caaf xem!
Ca réew mu mel ni Amerik xaalis bu kenn xamul nu mu tollu
la ñu
xëpp
bànkë
yi, ngir ñu
ximaliku! Réewi Ëroop yi naka noonu.
Wante kiriis bii it réewi Afrik yi muccuñu
ci, ndonte it defuñu
lenn lu aay! Xanaa kañ
li ñu
naan jamonooy téy jii ku bërewul ñu
bëre daanu ci sa
kow! Kon fàggaru foo tollu lu war la!
Wante kiriis bii sax, di ko dàkkantale kiriisu
bànkë
yi
dafay mel ni daanaka, dees koy bëgga
wóyofal! Te fekk li koy
mandargaal dëgg
ci nekkinu nit ñi
lu tar la: te mooy milioŋi milioŋi
nit
yu ñakk
seen liggéey ñakk
seen dëkkuwaay,
ay këru-liggéeyukaay
yu dul jeex yu tëj,
dund gi gëna
meti, jaaxle wañaaru
àddina sépp, néew-ji-doole yi gëna
lótt!
Xalaas ndeke bëgge
daal mooy jur lu nekk!
|
|
