Benn – Senn – Menn la – Raax Menn – Raax Yërëm

1- Ag malaaka yiy rocci ruu ag dool

2- Malaaka yi leen di roñ ndànk, jellë ci biir ñenen ñi

3- Ag ñiy jàll bu gaaw jàww ji

4- Ag ñiy daw ci lu gaaw di jiitu

5- Ag ñi yélif ag di santaane

6- Bés riir mi jëkk ci bufta dana yëngal lépp.

7- Beneen topp ko

8- Bés boobu xol yi la tiitaange di dugg;

9- Bët yi sëgg ci suuf di toroxlu;

10- Ñi gëmul daañu ni booba: Ndax daanu dellusi ca
na ñu jëkkoon mel

11- Bu ñu deme ba dootuuñu lu dul yax yu seey
12- Daañu ne su loolu amee dey mabbati lay doon

13- Mennum riir la ñuy dégg

14- Fekk booba ñu ne ca Safara

15- Ndax xam nga xibaaru Maisaaa?

16- Bi ko Yàlla yuuxoo ci tertalu xuru Towa

17- Demal seeti firawna, dafa gëmul

18- Te nga ni: ndax bëgg nga jub?

19- Dinaa la tette ci Yàlla: Ragal ko

20- Maisaa tas tegal ko ci bëtam kiimtaan gu réy

21- Firawna jeeñ ko naxekat dolli fippu

22- Dafa joxe gannaaw sumb di jëf

23- Dafa dajale ay nit, yeenelu ay dogalamgal ko.

24- Te naan: Maa di seen kélifa gi sut ñépp

25- Yàlla teg ko mbugalu aiddinaa sii ag soosee

26- Dafa am ci lii tegtal wu jëm ci képp kuy ragal

27- Ndax yeen a gënoon yomb sàkk , walla Asamaan yi?

28- Yàlla la, moo leen defa, moo yëkkati seeni puj jox leen
melin yu mat sëkk

29- Moo tàbbal lëndëm ci guddéem mooy léeral bëccëgam

30- Ba mu noppee la talal suuf si ndëstë wu ñu ràbb

31- Bënnloo ci ay ndoxam te ci meññloo ay gancaxam

32- Moo tënk dunmag yi

33- Ngir seen njëriñ ak njëriñal jur yi

34- Te bu coppeeku mu rëy ma dee yegsi

35- Nit dana fàttaliku ay jëfam

36- Safara mooy fëll ca bëti ñepp

37- Képp ku musa ñàkk gëm

38- Képp ku musa taamu dundi fii

39- Daa séddoo Safara naka dëkkuwaay

40- Waaye ki daan lox fu mu xalaate màggaayu Boroom bi
te daan yèlif bànneexi ruuwam

41- Kooku Ajjana moo di nekki dëkkuwaayam

42- Daañu la laaj ni la kañ la waxtu woowu wara jot di jot?

43- Loo ci xam?

44- Appam Yàll rekk moo ko xam

45- Daañu la sànt yëgël do ñi ragal

46- Bés bi suñu koy gis, dafay mel ci ñoom na mësuñu nekk
ci suuf lu ëpp menn ngoon mbaa menn subë

Jukki bi: Pathé Diagne, Alxuraan ci Wolof. Editions Sankore, L’Harmattan